ATƏT-in fəaliyyətdə olan sədri və Rusiya XİN başçısı Cənubi Qafqazdakı münaqişələri müzakirə edəcək

ATƏT-in fəaliyyətdə olan sədri, İtaliyanın xarici işlər naziri Ancelino Alfano fevralın 1-də Rusiyada işgüzar səfərdə olacaq.

Rusiya Xarici İşlər Nazirliyinin sözçüsü Mariya Zaxarova bildirib.

"Xarici işlər nazirlərinin görüşü zamanı 2018-ci il üzrə iş planı, o cümlədən ümumavropa çağırışlarına kollektiv cavabların tapılması, təhlükəsizlik məsələləri, inamın bərpa olunması, həmçinin terrorizmə, narkotiklərin qanunsuz dövriyyəsinə, kiber təhdidlərə qarşı mübarizədə Təşkilatın rolu müzakirə olunacaq. 

Həmçinin ATƏT məkanında, o cümlədən Ukraynada, Dnestryanıda, Cənubi Qafqazda regional münaqişələrin həllinə yardım məsələləri müzakirə olunacaq, - M.Zaxarova vurğulayıb.

Mariya Zaxarova: “Rusiya bu il Minsk qrupunun həmsədri kimi effektivliyini artırmaq niyyətindədir”
"Rusiya ATƏT-in Minsk qrupunun həmsədri kimi Dağlıq Qarabağ münaqişəsi ətrafındakı sülhməramlı prosesdə effektivliyini artırmaq niyyətindədir".

Bunu Rusiyanın Xarici İşlər Nazirliyinin sözçüsü Mariya Zaxarova həftəlik brifinqdə deyib.

Rusiyanın bu il ATƏT-in Minsk qrupunun həmsədri kimi aktivliyini qorumaq və artırmaq niyyətində olub-olmamasıyla bağlı suala o belə cavab verib: "İlk növbədə, işin effektivliyini yüksəltmək lazımdır".

"Məncə, hamı elə bununla məşğuldur", - M.Zaxarova əlavə edib.