“Muzey işçilərinin nəzəri və təcrübü biliklərinin inkişafı” mövzusu ilə Azərbaycan Respublikası Mədəniyyət və İncəsənət Universitetinin Muzeyşünaslıq kafedrasının müəllimi Elfira Məlikova, “Qeyri-maddi mədəni irsin sistemləşdirilməsi və təşviqi perspektivləri” mövzusunda Bakı Mühəndislik Universitetinin bədii yaradıcılıq bölməsinin müdiri Zəminə Axundova, “Azərbaycanda mədəni irsin qorunması və inkişafının hüquqi təminatı” mövzusunda mərkəzinin əməkdaşı Samirə Cəlilova, “Özfəaliyyətin sosial mahiyyəti və əsas sahələri” mövzusunda Bibiheybət mədəniyyət mərkəzinin əməkdaşı  Fəridə Babayeva, “Cəmiyyətin inkişafında kitab və kitabxanaların rolu” mövzusunda mərkəzin direktor müavini Nəzakət Rəhmanova, “Kitabxana işində innovasiyalar” mövzusunda tədris metodika kabinetinin müdiri Aygün Hüseynova,” İnformasiya cəmiyyətinin xüsusiyyətləri: elektron kitabxanalar, elektron kataloq” mövzusunda isə Ədliyyə Akademiyasının İnformasiya resursları şöbəsinin rəisi Ruhiyyə Məmmədova çıxış etmişlər.

Dəyirmi masada Regional Mədəniyyət İdarəsinin əməkdaşları, Mərkəzi Kitabxana Sisteminin, muzey və mədəniyyət mərkəzlərinin işçiləri iştirak etmişlər. Məruzələr iştirakçılar tərəfindən maraqla qarşılanmış və çıxışlar dinlənildikdən sonra mövzular ərtafında fikir mübadiləsi aparılmışdır.

Sonda Rayon İcra Hakimiyyətinin nümayəndəsi tədbirdə müzakirə olunan məsələlərin aktuallığından və vacibliyindən danışmış, məruzəçilərə və iştirakçılara öz təşəkkürünü bildirmişdir.