Press-reliz

“Beynəlxalq İnformasiya” qəzeti fəaliyyətinin 10-cu ilini qeyd edir

PRESS-RELİZ

2016-cı ildə kütləvi informasiya vasitələri sırasına daxil olan “Beynəlxalq İnformasiya” qəzeti 2026-cı ilin oktyabr ayında fəaliyyətinin 10-cu ilini qeyd edir.

Ötən müddət ərzində qəzet ölkədə və dünyada baş verən ictimai-siyasi, iqtisadi, sosial, mədəni və digər mühüm hadisələrin işıqlandırılmasına xüsusi diqqət göstərib. Dürüst və obyektiv informasiya təqdim etmək prinsiplərini əsas götürən nəşr geniş oxucu auditoriyasının etimadını qazanmağa çalışıb.

“Beynəlxalq İnformasiya” qəzeti fəaliyyətini inkişaf etdirərək 2017-ci ildən etibarən internet xəbər portalı kimi də fəaliyyət göstərməyə başlayıb. Xəbər portalı vasitəsilə oxuculara operativ xəbərlər, mətbuat icmalları, analitik yazılar, araşdırmalar, müsahibələr, press-relizlər və digər informativ materiallar təqdim olunur.

Bu gün “Beynəlxalq İnformasiya” xəbər portalı Azərbaycan və dünya gündəmini operativ şəkildə izləyən, oxucularını obyektiv və dəqiq informasiya ilə təmin etməyə çalışan xəbər portalı kimi fəaliyyətini davam etdirir.

Redaksiya fəaliyyətinin 10 illiyi münasibətilə bütün oxucularına, müəlliflərinə, tərəfdaşlarına və media nümayəndələrinə təşəkkürünü bildirir, gələcək fəaliyyətində də peşəkar jurnalistika prinsiplərinə sadiq qalacağını bəyan edir.

“Beynəlxalq İnformasiya” qəzetinin Mətbuat xidməti

K.Ələkbərli
Baş redaktor